وفاة أحمد زويل تتسبب في غضب رواد تويتر من باسم يوسف.. والأخير يرد

كتبت-عبير القاضي:

تجاهل الإعلامي الساخر باسم يوسف، التعليق على وفاة العالم المصري، أحمد زويل، مما أثار غضبًا واسعًا لمحبيه على مواقع التواصل الاجتماعي"فيسبوك وتويتر"، مما دفع يوسف للرد عليهم قائلا :" أنا مش نشرة اخبار وليا مطلق الحرية اعلق على الاحداث اللي انا شايفها"، وذلك في إشارة منه لوفاة العالم المصري الكبير أحمد زويل.

وقال يوسف عبر حسابه الشخصي على موقع التواصل الاجتماعي"فيسبوك" اليوم الأربعاء،"أنا مش نشرة اخبار ، مش وكالة أنباء و مش صفحة وفيات، أنا مش مطالب اني اعلق علىأي احداث انت شايف المفروض اني اعلق عليها من اول نزاع في بلد معين لانقلاب في بلد تاني لوفاة حد في بلد تالتة، و لو حصل و علقت فده لأَنِّي بامارس نفس الحرية اللي انت بتديها لنفسك انك تتكلم على ايه و ما تتكلمش على ايه".

وأضاف قائلا :" العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب و ما اتكلمتش على فلان او علان او ما جبتش سيرة ترتان ليه، نفس الناس اللي تقولك ما علقتش على احداث معينة ليه و لو علقت يقولك طب ما اتكلمتش على الحدث التاني ليه".

وتابع قائلا :" العالم مش مستني ستاتوس الفيس بوك عندي او عندك عشان يتصرف على حسب حنكتب ايه، احنا كلنا أتفه من كده، و الملائكة مش واقفة على حساب تويتر تشوف مين اللي اترحم على مين و مين لا، و أبواب السما او الجحيم مش مستينة عدد اللايكات و الشير عشان تقرر تفتح لمين و تقفلها في وش مين، الحياة و الموت و الترحم كانوا موجودين قبل الفيس بوك و تويتر و الانترنت شخصيا، الحياة الاخرى مش واقفة على التويتة بتاعتك".

يذكر أن توفى العالم المصري، أحمد زويل، عن عمر ناهز الـ70 عامًا، بالولايات المتحدة الامريكية، أمس الثلاثاء.

جدير بالذكر أن زويل من مواليد 26 فبراير 1946، وهو عالم كيميائي مصري وأمريكي الجنسية، حاصل على جائزة نوبل في الكيمياء سنة 1999؛ لأبحاثه في مجال كيمياء الفيمتو، حيث قام باختراع ميكروسكوب يقوم بتصوير أشعة الليزر في زمن مقداره فمتوثانية، وهكذا يمكن رؤية الجزيئات أثناء التفاعلات الكيميائية، وهو أستاذ الكيمياء وأستاذ الفيزياء في معهد كاليفورنيا للتقنية.