يسري فوده متضامنا مع ليليان داوود: "أول وزير حربية امه مكنتش مصرية"
تطبيق مصراوي
لرؤيــــه أصدق للأحــــداث
كتبت-عبير القاضي:
أعلن الاعلامي يسري فوده، تضامنه مع الاعلامية اللبنانية ليليان داوود، عقب القبض عليها وترحيلها، الاثنين الماضي، قائلا :"وزير الحربية و البحرية القائد العام للقوات المسلحة أول رئيس لمصر بعد ٥٢ كان اسمه محمد نجيب (أبوه "مصري" و أمه مش "مصرية").
وقال فوده، عبر حسابه الشخصي على موقع التواصل الاجتماعي"فيسبوك" اليوم الأربعاء، "إن مؤسس الجيش المصري من أساسه كان اسمه جوزيف أنتيلمي (مش "مصري" خالص)، مصرناه و سميناه سليمان باشا الفرنساوي، و مؤسس مصر الحديثة كلها أصلًا كان اسمه محمد علي (مش "مصري" خالص) جندي من مقدونيا لِسَّه بنفتخر بأنه علّم مصر و أسس الصناعة و عمل لها هيبة".
وأضاف قائلا :" اللي أسسوا "الأهرام"، أعرق جريدة عربية سيارة و أكتر جريدة "استخدمتها" دولة عبد الناصر حتى اليوم، و على رأسهم سليم و بشارة تقلا، مش "مصريين" و لا مننا، و نجوم و أعلام الثقافة و المسرح و السينما و الأدب و الفن و الرياضة اللي بنوا شخصية مصر و ثقافتها و قوتها الناعمة الحقيقية من أكتر من قرن و نص و لحد دلوقت، مش "مصريين" خالص و لا نعرفهم، طبعًا ليليان داود مش "مصرية".
فيديو قد يعجبك:
