باسم يوسف تعليقا على منع جمال عيد من السفر : "اقفل عليها ياريس"

كتبت - سحر عزام :

استنكر الإعلامي الساخر باسم يوسف قرار منع الناشط الحقوقي جمال عيد مدير الشبكة العربية لمعلومات حقوق الإنسان من السفر لوجود اسمه على قوائم الممنوعين من السفر تنفيذا لقرار النائب العام.

وكتب يوسف عبر حسابه على موقع التواصل الاجتماعي "تويتر" اليوم الخميس :"أنا في منتهى السعادة إن جمال عيد واحد من "النوشتاء الحكوكيين" اتمنع من السفر، مصر الآن أكثر أمانا، اقفل على مصر يا ريس، مبسوط قوي إن بالرغم إن مافيش تهمة أو جريمة ارتكبها جمال عيد، تم منعه من السفر، قانون ايه و دستور ايه؟، ماحدش فاضي للكلام ده، اقفل عليها يا ريس".

وأضاف الإعلامي الساخر :"مش محتاجين أي تهمة لمنع شخص من السفر أو الدخول لمصر او لسجن اللي احنا عايزينه، جمال عيد لازم ينقبض عليه مش بس يتمنع من السفر. ليه؟ أهو كده، أذكر سبب منع جمال عيد من السفر ١.كان معاه بلالين (مشيها بلالين) ٢. لا يملك تصريح صفحة فيس بوك ٣. أهو غلاسة كده".

وكتب جمال عيد تعليقا على قرار منعه من السفر عبر حسابه على تويتر :"لأننا مش حقوقيين ديكور لدولة الاستبداد، مش حافظ أبوسعدة وداليا زيادة وغيرهم، عشان بنقول دي دولة بوليسية، اتمنعت من السفر، طيب مصر دولة بوليسية".