باسم يوسف ساخرًا: "لو مش عجبك إضراب الأطباء روح أقف على الحدود"

كتبت - سحر عزام:

سخر الإعلامي باسم يوسف من اتهام نقابة الأطباء والمتضامنين مع الأطباء المعتدى عليهم من قبل أمناء شرطة بمستشفى المطرية بالانتماء لجماعة الإخوان المسلمين.

وكتب يوسف ـ عبر صفحته على موقع التواصل الاجتماعي "فيسبوك": "هو لو الأطباء إخوان ونقابتهم إخوان والمتضامنين معاهم إخوان، ومعروفة طبعا إن كل المعتقلين وضحايا التعذيب واللي بيتقتلوا وأي حد معترض على أي حاجة في البلد أو مش معترض بس متضايق حبتين إخوان، وأنا وأنت إخوان، يبقى فاضل مين في البلد؟".

وأضاف الإعلامي الساخر: "أنا شايف علشان مصلحة البلد إننا نشيل مجلس نقابة الأطباء و نستبدله بحد كده يكون طبيب فلاسفة ولا حاجة. المهم إن البلد تبقى كده، لو مش عجبك الدكاترة ومعترض على الإضراب روح أنت اقف على الحدود، قصدي في الاستقبال".