تداول أسئلة امتحان الفيزياء للثانوية العامة يثير جدلا على تويتر

كتبت - سحر عزام :

تداول النشطاء على موقع التواصل الاجتماعي "تويتر" عبر هاشتاج "غشاشون فدائيون"، صوراً من أسئلة زعموا أنها لامتحان الفيزياء للثانوية العامة نظام حديث لهذا العام والذي يؤديه الطلاب الآن، وذلك في تحدي لوزارة التربية والتعليم التي تمنع اصطحاب الطلاب لأجهزة المحمول للحد من تسرب أسئلة الامتحان عبر مواقع التواصل الاجتماعي.

وعبر بعض النشطاء عبر هاشتاج "غشاشون_فداييون" عن استنكارهم الشديد لتسريب أسئلة الامتحان، وقال حسان عثمان :"عارف العيال اللى بتقعد بالعشر سنين فى طب وصيدله وبتدبلر معظمهم دخلوا الكليات دى بالغش".

واتفقت معه في الرأي أمل قائلة :" عارفين ف الاخر كلهم هيقعدوا ع نفس الكافيه سواء اللي دخل هندسه ولا اللي دخل تجاره.. دوله بايظه ومنظومة تعليم فاشلة".

وأضاف كوستا :" تغش وتجيب مجموع عالي وتخش كلية طب وتطلع تموتلك كام ألف كدا عشان مش فاهم حاجة ودخلت طب بالغلط".

وقالت سندس :" الحمد لله إن عدل ربنا موجود والله واللي لعب و غش عمره ما هيتساوي مع إلى تعب و سهر".

وكتبت بنت الحاج الحمصاني :" تخيل إن في ناس بقالها أيام مبتنامش عشان تذاكر غير الضغط النفسي.. و واحد بقاله يومين بيلعب و قاعد ع القهوه و يتساوا في الآخر!".

وسخرت أمل من تسريب أسئلة الامتحان قائلة :" العيال دي داخله اللجان بالموبيلات ازاي دا أنا ابني قلعوه الساعة انتوا في لجنة ولا قاعدين في كافيه".