تليمة: الإخوان سبب تراجع التعاطف الشعبي تجاه القضية الفلسطينية

كتبت - عبير القاضي:

وجه خالد تليمة، نائب وزير الشباب السابق، بتوجيه رساله إلى جماعة الإخوان المسلمين، تجاه موقفهم من القضية الفلسطينية، مطالبهم بالكف عن المزايدة التي يتخذونها سبيلاً لتحقيق أهدافهم، على حد قوله.

وقال تليمة، عبر حسابه على فيسبوك، اليوم الخميس، "أنتوا فاكرين في مظاهرات زمان ، لما كنا بننزل عشان القضية الفلسطينية، لما كنتوا بتخلعوا اول ما تيجي سيرة مبارك، وتكتفوا بهتافاتكم اللزجة والمعلبة، طيب فاكرين لما كنتوا بتهتفوا كل مرة خيبر خيبر يا يهود جيش محمد سوف يعود، وبعدين لما وصلتوا للحكم عملتوا من بنها".

وأضاف قائلا: "انتوا عارفين أنكم انتوا وحماس بتتحملوا جريمة تراجع التعاطف الشعبي المصري، الغير مبرر تحت اي ظرف، بسبب مواقفكم تجاه الشعب اللي كان طول عمره حافظ وحاضن للقضية الفلسطينية ورافض للتطبيع، ممكن تنقطونا بسكاتكم وتبطلوا تزايدوا على السلطة الحالية لان مرسيكم وهو في الحكم كان راعي اتفاق التهدئة اللي بينص على، وقف الاعتداء على أحفاد القردة والخنازير، زي ما كان بيقول".

وتابع تليمة "لازم تعرفوا أن موقفنا ضد الاحتلال الصهيوني ومع الشعب الفلسطيني، اللي بيدفع جنب معاناته من الاحتلال، تمن الانقسام اللي مازالت حماس بتنتهز كل فرصة لتكريسه، فموقفنا اكيد مع الشعب الفلسطيني ومقاومته، عشان بس تبطلوا نغمة حماس دي".

لمتابعة أهم وأحدث الأخبار اشترك الآن في خدمة مصراوي للرسائل القصيرة للاشتراك...اضغط هنا