صعيدية لمرسي: أسفين يا ريس على ثقتنا فيك.. (فيديو)

كتبت - راتان جميل:

وجهت سيدة صعيدية، تدعى منى حمدي، موطفة بمديرية أمن أسيوط، رسالة شديدة اللهجة إلى الرئيس محمد مرسي، قالت فيها: ''أسفين ياريس مرسي، أسفين إننا وثقنا فيك وأدناكم صوتنا، يارب نموت لو عملنا كده تاني''.

وأضافت السيدة الصعيدية، خلال لقائها مع الإعلامي معتز الدمرداش ببرنامج ''مصر الجديدة''، على فضائية الحياة 2، موجهةً رسالتها للرئيس: ''أسفين يا ريس، أسفين يا ريس مرسي على ثقتنا فيك، حضرتك وعدتنا يوم ما الشعب يقولك تمشي هتمشي، أمشي يا ريس كفاية علينا كده، كفاية على الشعب كده''.

شاهد الفيديو

سيدة صعيدية

كما وجهت رسالة لأبناء الرئيس مرسي وبالأخص لنجل الرئيس الذي تعدى على ضابط شرطة، قائلةً: ''حد فهمك إن مصر دي عزبة أبوك والشعب هما ولاد (الريس عبد الواحد)، أبدًا، أمال إحنا قومنا بالثورة ليه؟''.

وأردفت السيدة قائلة: ''أسفين يا ريس على ثقتنا فيك أسفين اختيارنا ليك، جيالك ومحملة بدم ولادنا اللي لسه على القضيب بمنفلوط، ودم شبابنا ولحمه اللي اتهرس على قضبان السكة الحديد بالبدرشين، عشان يخدموا الوطن، مُتعبين إحنا بحبك يا وطن''.

واختتمت السيدة ''منى'' رسالتها للرئيس قائلةً: ''أحنا عارفين سياسة سيادتكم، الشعب يعوي والإخوان تسير، فكلامي مش هيأثر ولا هتسمعه ولا هتعمله أي اعتبار، بس أنا جايه عشان أقول آاااه أتوجعنا، ولا المطلوب مننا تطحنونا ومنقولش آه؟، إحنا بنقول آه كفاية وجع، آه يا ريس''.