طفل معتقل: ''بيقولولي هاندبحك ومحدش هيعرف عنك حاجة''

كتب - فادي محمد:

عرض مركز النديم فيلما وثائقيا يظهر تعرض الأطفال للاستهداف خلال المظاهرات والاشتباكات بين الشرطة والمتظاهرين، وقدم الفيلم شهادات مجموعة من الأطفال وبعض الحقوقيين.

وقال الطفل الأول:'' كانوا بيقولولي هاندبحك ومحدش هيعرف عنك حاجة، في المدرعة كان معايا 5 منهم اتنين انتهكوا أعراضهم، وكان معانا واحد مسيحي.. اسمه كرولس.. وكانوا عايزين يخدوا الصليب مين جيبه ويقطعوه ''

وأضاف الطفل الثاني:'' العيال كانت بيتعيط ومافيش حد غيري أنا واحد تاني اللي متعورين... والتاني كان متعور أكتر مني.. اضرب كتيير وماكنش قادر يتكلم.. وفي الطريق مات، وقلنا للضابط واحد من اللي معانا مات، قام دخلنا عسكري بص عليه ولقاه فعلًا مات، وقف قدام المستشفى ورماه ''.

وأكدت ماهينور المصري، عضو حركة'' لا للمحاكمات العسكرية''، أن القبض على الأطفال يتم بشكل كبير وعشوائي، مستشهدة بشهادات من تم القبض عليهم أمام مديرية أمن الإسكندرية، حيث تم القبض على 7 أطفال 5 منهم تحت السن القانوني وتم توجيه لهم تهم لا تناسب أعمارهم أبدا.

وأضاف عمرو إمام محامي بمركز هشام مبارك لحقوق الإنسان, أن السلطات الأمنية تعرف أن الأطفال هم من يحملون شرارة الثورة فتحاول في الوقت الحالي القضاء عليهم، مشيرا إلى  أنه تبين من شهادات الأطفال أنهم تعرضوا للتعذيب أثناء القبض عليهم واحتجازهم بأماكن مختلفة، وأغلبهم تحت السن القانوني.