"البصل بـ30 جنيه ليه هو تفاح".. مصطفى بكري: "الناس تعبت من جشع التجار هتستحمل اية ولا اية"

كتب – معتز عباس:

انفعل الإعلامي مصطفى بكري، على الهواء في أثناء حديثه عن ارتفاع أسعار السلع مرة أخرى بعد إعلان زيادة المرتبات، مطالبًا الحكومة بإجراءات عملية لمواجهة رفع الأسعار غير المبرر بالأسواق.

وأضاف "بكري"، خلال برنامج "حقائق وأسرار"، المذاع على قناة "صدى البلد"، اليوم الخميس، أن أصحاب اللاضمير رفعوا أسعار السلع الناس هتستحمل إيه ولا إيه، الناس بصراحة تعبت، احنا بنطالب باجراءات عملية الناس تحس بيها في الأسواق، أنا بستغرب سايبين التجار الجشعين تقطع في الشعب المصري ليه وكل واحد يعلي بمزاجه، مش هينفع السكوت والاستمرار بالشكل ده لأنه يجهض أي محاولات للتنمية".

ووجه مصطفى بكري، رسالة إلى الرئيس عبد الفتاح السيسي قائلا: "الناس مش ناسية مواقفك ولا الإنجازات بس الناس تعاتب على الأسعار والمواطنين تعبوا، وأنا عارف إنك حاسس بمعاناة الناس لكن الإجراءات العملية اللي تحت بتقول إن مفيش حاجة بتتعمل، سايبين الناس فريسة للتجار والمستغلين واللي معندهمش ضمير، تعب الناس بيبقى له مردود سلبي".

أشار الإعلامي مصطفى بكري، إلى أنه لا مبرر من وصول سعر البصل إلى 30 جنيهًا، متابعًا: "ايقاف تصدير البصل 3 شهور قرار جيد معقول يبقى في بصل بـ30 جنيه ليه هو تفاح، كيلو الطماطم بـ25 جنيها رغم أنها تزرع في أرض مصرية في استغلال وترك الحبل على الغارب لأي حد يقدر يعمل اي حاجة، الشعب تعبان وياكد يكون بيسد رمق بطنه وحياته".