عمرو أديب بعد عزل مرتضى منصور: "الزمالك بقى مدينة ملاهي"

كتب – معتز عباس:

علّق الإعلامي عمرو أديب، على عزل مرتضى منصور من رئاسة نادي الزمالك، بعد أيام قليلة من التوقيع مع المدير الفني الجديد.

وقال "أديب"، خلال برنامج "الحكاية"، المذاع على قناة "ام بي سي مصر 2"، مساء الأحد، إن الحكم واضحًا ومرتضى منصور لم يعد رئيس الزمالك كما كان، متابعًا : "أنا أول ما سمعت القرار، قلت المدرب اللي جاي من برة لسه بقاله أسبوع لما يجي يقعد هيقولو ليه معلش اسفين الراجل اللي مضى معاك العقد مشي، اية النادي اللي انتم فيه دا، طب هو مين جاي محدش يعرف طيب مين مسئول عن العقد بتاع المدرب".

وأضاف: "طب حط نفسك مكان اللاعيبة حاسه بايه دا مش نادي دا مدينة ملاهي وخرابة فعلا، كل دا بسبب الإدارة، نادي الزمالك اتبهدل كتير وبندفع تمن هذا الامر، واظن هندفعه لسنوات قادمة".