لميس الحديدي عن ضبط مواطن جمع 3.5 طن دجاج برازيلي: "يا جبروتك يا أخي إزاي عملت كده!"

كتب – معتز عباس:

علقت الاعلامية لميس الحديدي على واقعة ضبط 350 كرتونة من الدجاج البرازيلي، استطاع مواطن شرائها من المنافذ لبيعها بأسعار أعلى، قائلة: "يا جبروتك يا أخي ... إزاي عملت كده؟".

وقالت "الحديدي"، في برنامج "كلمة أخيرة"، المذاع عبر فضائية "أون إي"، اليوم الأحد، إن المسؤولية هنا ليست على هذا الشخص فقط بل على المسؤولين جميعًا عن هذه المنافذ، متابعة: "صحيح القانون لا يضع حد للسلع التي يمكن شرائها ومحدش هيقول لمواطن إنت واخد إيه؟، لكن برضه ده مش واخد 10 فرخات ده أخد 350 كرتونة دجاج .إزاي لحق يلم 3.5 طن فراخ؟".

وأضافت: "أكيد كان معاه ناس وجابهم من كذا مكان ودي جريمة مكتملة الأركان تجارة في قوت وأكل الشعب".

أكملت: "صحيح الفساد والسرقة حرام لكن الاتجار في قوت الناس هي الحرمانية بعينها لأنه إتجار في قوت وأكل الناس في وقت الأزمة اللي بيعمل كده العادي في أوقات الحروب بيدخل السجن في العالم، كله وأنت عارف ان الدولة دفعت من دمها دولارات عشان توفر الدجاج البرازيلي للنزول بالسعر عن أسعار السوق، انتا عاوز تاخدها بسعر رخيص وتبيعها غالية دي جريمة".