"مش بنطلب حاجة قبيحة".. عمرو أديب يطالب المسؤولين بالرد على مشكلة طريق الساحل الشمالي

كتب- محمد جمعة:

طالب الإعلامي عمرو أديب، المسؤولين عن مشروع تطوير طريق الساحل الشمالي، بالرد على ما يثار حول وجود خطأ في تصميم الطريق والمحور المقام عليه.

وقال أديب، خلال تقديمه برنامج "الحكاية"، مساء الأحد: "هذا المشروع جبار وقد يبدوا ان هناك سلبيات كل الناس تتحدث عن وجود خطأ في الطريق، عايزين حد يرد علينا رئاسة الوزراء أو وزارة الإسكان أو وزارة النقل أو الهيئة الهندسية للقوات المسلحة، لغاية دلوقتي ماحدش بيرد علينا، هل في رد ولا هتسيبونا للتجربة".

وأضاف أديب: "في ناس بتقول انت عارف مين اللي عامل الطريق، وأنا بقولهم اي كان مين، هل أما بطلب حاجة قبيحة، دي فلوسنا وضرايبنا وعيالنا اللي هتمشي على الطريق".

وتابع أديب: "لست خبيرًا ولا مهندسًا، والسؤال المهم هو المشروع ده لغاية ما خلص ماحدش شافه؟، ده رئيس الوزراء كان في العلمين قريب، وهو مهندس وأكيد شاف الطريق، إحنا لا بنقول هدوه ولا حاسبوا اللي عمله، بس ردوا علينا هل إحنا فاهمين غلط ولا الطريق في حاجة غلط وهتتصلح".