"سيرة الدين بتجبلهم ارتكاريا".. حسام موافي يستنكر تعرضه للهجوم بسبب الطب النفسي
تطبيق مصراوي
لرؤيــــه أصدق للأحــــداث
كتب- محمد جمعة:
استنكر الدكتور حسام موافي، أستاذ الحالات الحرجة بطب قصر العيني، تحريف تصريحاته عن الأمراض النفسية وعلاقتها بالتدين مما تسبب في تعرضه لموجة من الهجوم على السوشيال ميديا.
وقال موافي، خلال مداخلة هاتفية مع برنامج "على مسؤوليتي" على فضائية "صدى البلد": "هل يعقل إن في أستاذ في الطب ينكر المرض النفسي؟، ده مافيش حد بيكتب أدوية أمراض نفسية أكثر مني في مصر، وأنا أكثر واحد بحول المرضى النفسيين للزملاء المتخصصين".
وأضاف أستاذ الحالات الحرجة: "للأسف هناك مجموعة لما تجيب سيرة الدين الارتكاريا بتاعتهم تطلع.. زي لما تتكلم عن الحجاب يبقى مايصحش، لكن لو اتكلمت عن الشذوذ الجنسي يبقى حرية شخصية".
وأوضح موافي أنه لم ينكر إصابة الشخص القريب من الله بالمرض النفسي، متابعًا: "أنا قلت المتدين القريب من ربنا بيكون أقل عرضة للمرض النفسي من واحد تاني، لأن الشخص الراضي مش بيحصله قلق ولا اكتئاب، أما الإنسان اللي مش راضي بيكون معرض لده بشكل أكبر".
وأضاف موافي: "عندما قلت الشخص المتدين القريب من ربنا لم أقصد المسلم فقط، ولكن المسيحي أيضًا القريب من ربنا.. وبعدين أنا قلت دي ملاحظتي في عيادتي مفيش دكتور ينكر علم الأمراض النفسية".
فيديو قد يعجبك:
