أحمد موسى يوجه رسالة للجبلاية: "يا تتواصلوا معانا يا أما متزعلوش من النقد تاني"
تطبيق مصراوي
لرؤيــــه أصدق للأحــــداث
كتب- محمد أبوالمجد:
قال الإعلامي أحمد موسى: "إن الاتحاد المصري لكرة القدم عندما ننتقدهم بيزعلوا ولما بندور على حد يخرج يتكلم معانا في الإعلام بيقولوا في مسئول ومتحدث رسمي باسم الاتحاد"، متسائلًا: "الباشا المسؤول المتحدث الرسمي باسم اتحاد الكرة قافل تليفونه هنجيبه منين ولا هناخد المعلومة من مين ؟!".
وأضاف "موسى" في خلال تقديمه لبرنامجه "على مسئوليتى" على فضائية "صدى البلد" اليوم الاثنين: "أما أن اتحاد الكرة يشتغل ويبقى عندهم تواصل مع الإعلام يا أما ميزعلوش مننا تاني"، متعجبًا: "المتحدث الرسمي لاتحاد الكرة قافل تليفونه هنجيبه منين؟! نروح له البيت؟!".
وتابع: "عايزين نعرف هل المتحدث قافل تليفونه عشان مش عايز يتواصل مع الإعلام ولا ايه ؟!"، مؤكدًا: "دي آخر مرة هتكلم فيها عن الاتحاد المصري لكرة القدم ومش هتواصل معاهم تاني دا آخر كلام".
وأردف: "كل أعضاء اتحاد الكرة حبايبنا وندعمه من قبل ما يتولوا المنصب وبعد ما جم في مناصبهم"، موجهًا رسالة لرئيس الاتحاد المصري لكرة القدم جمال علام: "لو المتحدث مش فاضي يبقى في مشكلة، ولو عايزين تتكلموا مع ناس بعينها اتكلموا ونفضها سيرة ".
وأوضح: "الفترة الجاية هنتكلم عن المنتخب ومش هنتكلم عن الاتحاد والنهاردة آخر مره سيتم التواصل مع الاتحاد المصري لكرة القدم".
فيديو قد يعجبك:
