أحمد موسى منفعلًا: "سندوتش الفول بـ8 جنيه وقرص الطعمية المحشي رفاهية"

كتب - معتز عباس:

تعجب الإعلامي أحمد موسى، من أسعار سندوتشات (الطعمية والفول والبطاطس) وأطباق الكشري في بعض المطاعم، معقبًا: "قرص الطعمية كان بنص جنيه، دلوقتي بـ2 جنيه، وقرص الطعمية المحشي يعتبر رفاهية وسعره بقى بـ4 جنيه، وسندوتش الفول اللي كان بـ4 بقى بـ8 جنيه".

وأضاف "موسى"، في برنامج "على مسئوليتي"، المذاع عبر فضائية "صدى البلد"، اليوم الأربعاء، قائلًا: "ياجماعة انا بتكلم عن أرخص اكلة شعبية في مصر، طلب الفول على العربية كان بـ10 جنيه، دلوقتي في أماكن وصل 17 وأماكن وصل 25 جنيه".

وأكمل: "علبة الكشري اللي كانت بـ7 جنيه وصلت كام النهاردة من 20 لغاية 25، كنت لما تروح تفطر وتأكل فول وطعمية في مطعم في وسط البلد كان بيحط 4 أطباق طرشي وببلاش، النهاردة المخلل بقى بفلوس، النهاردة بيحط عينات".

وتابع: "سندوتش البطاطس كان بـ5 جنيه، دلوقتي بـ9 جنيه، كيلو البن زاد 50 جنيه، والكبدة البرازيلي مستوردة كانت بـ60 جنيه دلوقتي 120 جنيه، كيلو العدس بقى أغلى من كيلو الفراخ والسمك البلطي

وأتم: "الحل عندي، إحنا عندنا 140 ألف طن فول موجود في الموانئ، ليه أخلي الفول والطعمية أسعارهم يرتفعوا وأنا عندي 140 ألف طن فول في الموانئ، طيب ما نفرج عنهم ما نشوف الموضوع"، مضيفًا: "الأسعار أمن قوي للدولة ولابد من مواجهتها بكل قوة".