عمرو أديب: بعد وصول الدولار 24 جنيه هناك سوق سوداء تستغل احتياجات الناس

كتب – معتز عباس:

أكد الإعلامي عمرو أديب، أن السلع موجودة في السوق بشكل جيد، مضيفًا: "اللي مش هتلاقيه من سلع موجود في حتة تانية او موجود نوع تاني".

وتساءل "أديب"، في برنامج "الحكاية"، المذاع عبر فضائية "ام بي سي مصر"، اليوم الإثنين، قائلًا: "هل هناك سوق سوداء بعد ما وصل الدولار 24 جنيه؟.. الإجابة نعم"، مضيفًا: "أصحاب السوق السوداء عارفين أن في ناس محتاجة الدولار ومش لاقيه ويستغل هذا الأمر، لكن الخوف اننا نرجع تاني ونجري وراء سعر الدولار، لأن هذه معركة شيطانية".

وأضاف: "حصل من نصف ساعة في أكبر دولة في العالم الرئيس بايدن من 45 دقيقة بعث تهديدا واضح لشركات الطاقة قالهم إذا لم تخفضوا أسعار البترول وبتزود ضخ البترول انا هزود الضرائب عليكم وعلى ارابحكم، بالفعل هذا ما حدث في بلد السوق الحر".

وتابع: "احنا نعيش في حالة حرب وربنا يقدر المسئولين في البنوك على تدبير الدولار، ولو الدولار طلع نزل بأي شكل أسعار السلع هتتاثر بالتدبير"، مستطردًا: "لا اناشد الروح الوطنية لأصحاب السوق السوداء ولا أقولهم خافوا ربنا.. لكن كل واحد اليومين دول شغال لمصلحة في مصر والعالم كله، واللي كسبوا فلوس من الأزمات هما تجار الحرب، أرجوكم سيبونا نعيش وناكل عيش وندبر الدنيا، لكن هقعد اجري وراءك لا ماينفعش ودا رائي".