نور اللبنانية: "شعور الوحدة عمره مجالي.. أهالي صحابي كانوا يعتبروني بنتهم"

كتب- معتز عباس:

حلت الفنانة اللبنانية نور، ضيفة على برنامج "صاحبة السعادة"، تقدمه الفنانة إسعاد يونس، المذاع عبر فضائية "دي ام سي"، مساء اليوم الثلاثاء، مضيفة: "مصر حقيقي بتستقبل ناس كتير والجملة دي حقيقية وأنا واحدة منهم".

وعن حياتها الفنية في مصر كشفت نور عن تفاصيل غربتها قائلة: "اهلي مش كل الوقت بيكونوا معايا ولما مش بيكونوا معايا مش بحس نفسي اني خايفة وعمري ما حسيت اني وحيدة في بعد اهلي عشان مفيش حد جنبي".

وأضافت: "شعور الوحدة عمره مجالي ودايما كان عند كل أهالي صحابي يعتبروني أنا بنتهم واي حد اشتغلت معاهم كانوا يتبنوني لأني كنت صغيرة وفي منتهى البراءة ومش فاهمة حاجة وفي الكام سنة الاولى تأقلمت واعتمدت على نفسي".

وتابعت: "أنا في البيت عندي حياة عادية وربة منزل، وأول سنة جواز كانت غريبة في التاقلم، لأنه كان في تفاصيل مهمة بخصوص تشغيل التكييف والنوم والصحيان بدري والحمد لله عدت على خير".