متحدث الكهرباء: "مفيش داعي تشغل التكييف على 18.. وفتح باب الثلاجة كتير بيزود الفاتورة"
تطبيق مصراوي
لرؤيــــه أصدق للأحــــداث
كتب – معتز عباس:
قال الدكتور أيمن حمزة المتحدث الرسمي باسم وزارة الكهرباء، إن مفهوم ترشيد الاستهلاك هو أن يعود ذلك على صاحب الوحدة السكنية بالنفع، لافتًا إلى أنه هناك طريقة جيدة لترشيد الطاقة، خلال استخدام الأجهزة الكهربائية وعدم إضاءة أكثر من غرفة وفقا للاحتياج فقط.
وأوضح "حمزة"، في مداخلة هاتفية لبرنامج "مساء دي إم سي"، المذاع عبر فضائية "دي إم سي"، اليوم الأحد، أن إضاءة أكثر من غرفة في توقيت واحد يزيد من فاتورة الكهرباء، مضيفًا: "لو أنا في مكان محتاج فيه إضاءة بشغل اللمبات الموفرة، لكن لما أخرج برة الأوضة مفيش داعي تبقى شغالة على الفاضي.
وتابع حمزة، وثقافة البيت المصري هو " إن البيت كله يبقى منور"، ومع استخدام اللمبات الموفرة بتقلل استهلاك الكهرباء بدرجة كبيرة، و غلايات الشاي والأفران الكهربائية والغسالة والميكرويف كل دول بيستهلكوا كهربا عالية"
وأكمل الدكتور أيمن حمزة المتحدث الرسمي باسم وزارة الكهرباء، أنه يجب فصل أي جهاز بعد انتهاء الاستخدام من الكهرباء ويجب إبعاد الثلاجة عن الحائط بشكل كافي وكلها أمور في غاية الأهمية ويجب الالتزام بها لتوفير الكهرباء.
وأضاف: " فتح باب الثلاجة بشكل متكرر يزيد من استهلاك الكهرباء، وبخصوص التكييف مفيش داعي أخفض درجة الحرارة عن 24 درجة، لأن مع تقليلها هتستهلك كهرباء كتير، وكل ما تنزل وتوصل ل 18 فاتورة الكهرباء هتبقى عالية".
فيديو قد يعجبك:
