العناني: موكب نقل المياوات الملكية حدث سياحي أثري توعوي

كتب- محمد خميس:

قال الدكتور خالد العناني، وزير السياحة والآثار،: "تعبنا أوي وكلنا بايتين في الشوارع بقالنا أيام علشان نعمل حدث سياحي آثري حضاري توعوي لأولادنا وهو موكب نقل المومياوات الملكية من المتحف المصري بالتحرير إلى متحف الحضارة"، متابعًا: "دلوقتي أصحاب أبني بيتفقوا يتقابلوا الساعة السادسة والنصف عشان يتفرجوا على سقنن رع وحتشبسوت، خلينا الأطفال يتكلموا في الكلام دا ودا اللي عايزينه".

وأضاف "العناني" في مداخلة هاتفية لبرنامج "على مسئوليتي" على فضائية "صدى البلد" اليوم السبت، أن متحف الحضارة يفتتح أبوابه غدًا في التاسعة صباحًا، وقاعة المتحف حاجه حقيقي فخور بها، موضحًا: "بوعد حضرتك حفلة المتحف المصري الكبير العالم كله هيتكلم عليها أحنا شغالين عليها بقالنا شهور ومبحبش اتكلم على أي حاجه إلا لما تتم".

وتابع: "ليه بنهاجم نفسنا، ما نستنى الأول وبعد ما الحدث يخلص نتكلم، ولكني سعيد بحالة الجدل أن كل الناس بتتكلم عن حدث واحد والعالم كله بيتكلم عليها"، موضحًا أن تم العمل على جمع هذا الكم من الفنانين منذ أكثر من عام".