"متعودتش أهرب"..كامل الوزير: "جاهزون للمحاسبة البرلمانية واللي عايز يشيل مكاني أنا معاه"

كتب- محمد خميس:

قال الفريق كامل الوزير وزير النقل: "إن العاملين فى السكة الحديد مش هنيمهم والمخطىء حسابه عسير"، مشيرًا إلى أنه لن يتم استباق الأحداث فيما يتعلق بحادث قطاري الصعيد، ولن يتكرر هذا الحادث الأليم مرة ثانية.

وأضاف "الوزير" في مداخلة هاتفية لبرنامج "على مسئوليتي" على فضائية "صدى البد" اليوم السبت، موجهًا حديثه لأهل الصعيد: "أنا شخصيًا والعاملين معايا عاملين مجهود فوق العادة عشان راحتكم وأمنكم وخدمتكم، أنا فلاح ريفي زيكم".

وعن طلبات استجواب مجلس النواب، رد قائلًا: "أنا جندي مقاتل من يومي متعودتش أهرب وجاهزون للمحاسبة البرلمانية ولو أنا مخطئ أتحاسب ولو مش مخطئ يشدوا على أيدي عشان نكمل التطوير اللي بدأناه عشان يعرفوا أن بلدهم اتعمل فيها مجهود كبير ولو في حد عايز يشيل اللي أنا بدأته يشيل وأنا معاه وهكمل عشان دي بلدنا ولازم نقف ونساعد كلنا".

وتابع: "والله لو بأيدي أسوق كل قطار بنفسي وأعمل أنا كل الشغل بس دا مينفعش، واليوم 24 ساعة أنا بشتغل فيهم كلهم".