لميس الحديدي: الله يكون في عون الدولة.. "لازم نقول شكرًا"

كتب - معتز عباس:

قالت الإعلامية لميس الحديدي، إن المواطن له أن يتفق أو يختلف مع الدولة في بعض السياسات، أو في بعض الملفات، وهذا حقه عبر محاور عديدة.

وأوضحت "الحديدي"، في برنامج "كلمة أخيرة"، المذاع عبر فضائية "أون إي"، اليوم الأحد، قائلة: "على فكرة مش لازم كل حاجة تعجب المواطن، لكن في حاجة أساسية اللي ميشفهاش يبقى أعمى أو مش عايز يشوف بمزاجه، وهي إعادة بناء الدولة والإنسان"، متابعة: "ممكن نقعد على السوشيال ميديا نتخانق كتير في بعض، لكن نحن نعيش الأن في أكبر مشروع عمراني في تاريخ مصر".

وأضافت: "من عقود مش هقدر أعد بقالنا قد إيه مشفناش حاجات زي دي، لكن مشروعات الدولة الآن تعيد تغيير حياتنا عبر برامج الحماية الاجتماعية وملف البنية التحتية عبر بناء الكباري، والأنفاق وشبكة المواصلات، ممكن بعض الكباري ماتعجبكش بس الحقيقة إحنا عايشين مرحلة تاريخية مهمة والدولة قررت أن تضع يدها على ملفات شائكة".

وأكملت: "الله يكون في عون الدولة اللي خصصت مليارات من الجنيهات لهذا التطوير، أنا الصراحة بقول دايماً مش عارفة الفلوس دي بتتوفر إزاي الله يكون في عون وزير المالية اللي مش بينام، إحنا شايفين دلوقتي حاجات على الأرض بتتحقق ولما نشوف ده على أرض الواقع لازم نقول نقطة نظام ونقول شكراً".