بعد حديثه مع السيسي.. الحاج سعيد: نفذت مشروعات بـ 15 مليار خلال 7 سنوات

كتب- محمد جمعة:

قال الحاج سعيد محمود، صاحب إحدى شركات المقاولات، إنه فوجئ بحديث الرئيس عبد الفتاح السيسي معه عن إمكانية إنشاء شركته لكوبري دشنا خلال عام، وذلك أثناء افتتاح عدد من المشروعات القومية في الصعيد، اليوم السبت.

وأضاف سعيد، خلال مداخلة هاتفية مع برنامج "المصري أفندي" المذاع عبر فضائية "المحور"، اليوم السبت: "الرئيس عارفني وعارف شغل كل الشركات لأنه بيعدي على كل المشاريع، والاحتفال كان فيه 16 شركة مقاولات قطاع خاص كلهم واخدين شغل، اللي واخد طريق واللي واخد كوبري، كلنا شغالين نخلص مشروع وندخل في التاني".

وتابع المقاول: "أنا وافقت ابتدي في المشروع بنسبة الـ 25% اللي حددها الرئيس، ولو الواحد يقدر يعمل أكثر من كده هيعمل، لأننا بنحب بلدنا وعايزين نخدمها بأي شكل، وربنا يسهل ونخلص ونوفي بوعدنا مع الرئيس ونخلص المشروع في سنة".

وذكر أنه يعمل في المشروعات القومية منذ عام 1983 ويوجد لديه 6 آلاف عامل ما بين عمالة منتظمة ومؤقتة، مشيرًا إلى أنه نفذ خلال السنوات السبعة الأخيرة مشروعات بـ 15 مليار جنيه، متابعًا: "الكوبري كان بيتعمل 8 سنوات زمان دلوقتي بيخلص في عامين".