محافظ الإسكندرية عن احتفالات "ستانلي وكارفور": "لو كنت موجود كنت همنعها بنفسي"

كتب - معتز عباس:

عقب محافظ الإسكندرية اللواء محمد الشريف على إحتفالات المواطنين برأس السنة على كوبري "ستانلي"، قائلًا: "كنت حزين جدا أنا بشوفه ومهموم وحزين حزن على المواطن السكندري أكبر من حزني على نفسي".

وأضاف "الشريف" في مداخلة هاتفية عبر برنامج "كلمة أخيرة"، المذاع على فضائية " ON" ، اليوم الأحد، قائلًا: "كنت بتخيل لو أنا كنت موجود وقتها كنت هنزل بنفسي وهمنع ده زي ما عملت المرة اللي فاتت ومكنش الموقف كويس".

وأوضح: "أباشرعملي عن بعد عبر استراحته التي مكث فيها فترة عزله الصحي، و اباشر عملي كامل من الاستراحة لكن مافيش نزول ميداني لحد مأخف وأنزل، وماحدث في كارفور أمر سيء جداً وغير مقبول مش معقول الدولة تمشي في إتجاه عبر الرئيس ومجلس الوزراء وإحنا نمشي في اتجاه تاني".

وتابع: "الدولة قامت بتأجيل الامتحانات وعملت كل حاجة وبعدين نشوف مشهد زي ده سواء في ستانلي أو كارفور كأننا نسير عكس اتجاه الدولة وحرصها على سلامة وصحة المواطنين، ومن أجل ذلك أصدرت توجيه ووقفت بالمرصاد حتى نزلت الأحياء وباشرت عملها في كارفور وأغلقنا 20 محل لعدم إتباع الإجراءات الاحترازية لا من ناحية العدد ولا ارتداء الكمامة".

وأوضح: "الناس والأسر المتزاحمة والشباب في كارفور أو ستانلي مشهد مؤسف الشباب كان فرحان فرحة زائفة بيضحك على نفسه لأنه أول ما هيصاب مش هيعرف يتنفس ويصيب أسرته"، متابعًا: "عدد اللي كانوا واقفين على الكوبري ليلة رأس السنة 2000 أو 3000 لكن عدد سكان محافظة الاسكندرية أكتر من 5 مليون، ما حدث يمثل خطورة كونه بؤرة محتملة ممكن يصيبوا الخمسة مليون الي في البيوت".

وعن إصابته بفيروس كورونا، أكد محافظ الأسكندرية إنه لا يزال أمامه فترة تتراوح بين 3 إلى 4 أيام حتى تنتهي فترة العزل الصحي.