سميح ساويرس: "مجدي يعقوب طموحاته هائلة وربنا بيقف معاه دائمًا"- فيديو

كتب- محمد خميس:

قال المهندس سميح ساويرس، رجل الأعمال، وأحد سفراء الأمل في الوطن العربي: "شوفنا مستشفى الدكتور مجدي يعقوب في أسوان حققت ايه بمجهود هائل ومازالت تعمل بدعم وتعمل بمستوى فوق العالمي، فكان لازم الواحد مياخدش 5 دقايق تفكير لدعم مشروع تنفيذ المركز العالمي لعلاج أمراض القلب الذي يقوم الدكتور مجدي يعقوب بالقاهرة".

وأضاف "ساويرس" في حواره لبرنامج "معكم منى الشاذلي" على فضائية "سي بي سي" اليوم الخميس: "مؤسسة ساويرس معايا لأنهم اللي بيعملوا كل حاجة، وأنا مجرد عضو في مجلس الأمناء المشكل من حوالي 8 أو 9 أفراد"، موضحًا: "عائلة ساويرس ممثلين في مجلس الأمناء بـ 3 أفراد أنا ونجيب ساويرس ووالدتي ولنا صوت واحد فقط في المجلس، وإلا تبقى عزبة مش جمعية".

وتابع:"الجمعيات مثل مؤسسة ساويرس من المفترض أن يكون مجلس الأمناء بها مستقل تمامًا، لأننا مش هنعيش على طول، والمهم المؤسسة تفضل مستمرة"، موضحًا: "لو مديرة مؤسسة صناع الأمل مش مطمنة أن مؤسستنا مستمرة في دعمها مكنش هتقعد معانا".

واردف:" الدكتور مجدي بينفذ أكثر من مشروع في نفس الوقت وأنا مش عايز ألزمه لأني داخل معاه في أكثر من مشروع، وأنا بساهم فيها، وبسيبله هو حرية التوزيع"، موضحًا:" أن الرقم الذي سيتم التبرع له سيتراوح ما بين مليون ونصف المليون دولار أو 2 مليون دولار، عشان يبقى على الأقل شكلنا كويس قدام المتبرعين، ومنكونش أقل ناس متبرعين يعني ميصحش".

واختتم حديثه:"طالما المشروع يتم تنفيذه بشكل منتظم وماشي مظبوط الناس بتقبل على التبرع بسهولة، والروح الروح موجوده ومفيش مشكلة في المتبرعين"، مؤكدًا:"مجدي يعقوب دايما عنده طموحات هائلة وربنا بيقف معاه دائمًا وكل ما بسأله في حاجة بيقولي ربنا بيوفقنا ".