صاحبة واقعة فيديو الزحف على السلم:"ولادي عمرهم ما زعلوني"

كتبت – سحر عزام:

نفت الحاجة فكرية، صاحبة واقعة فيديو الزحف على السلم بمحافظة الشرقية، كل ما تردد عن إساءة نجلها لها.

وقالت خلال مداخلة هاتفية مع برنامج "يحدث في مصر" المذاع عبر قناة "إم بي سي مصر" اليوم الخميس :"عمري ما زعلت من اولادي ابدا ولا هما زعلوني والكلام اللي طلع شائعات، وابني سعيد ده الصغير اللي عايشة معاه".

ومن جانبه أوضح سعيد غنيم نجل الحاجة فكرية إن مقطع الفيديو الذي انتشر عبر مواقع الإنترنت تم تصويره منذ سنة وإن تصويره كان بهدف "التهريج" بحسب قوله، لإثبات قدرة والدته على الصعود والنزول على السلم بمفردها.

وأضاف :"الحاجة قاعدة معايا من سنة 1994، وهي طلعت على السلم للدور الثالث عشان تشوف بنتي وهي عايشة في الدور الأول، وهي قالت أنا هنزل لوحدي على السلم، وكلامي في الفيديو كان تهريج وهي كانت تضحك معانا، وصورتها عشان أخواتي يصدقوا انها بتطلع وتنزل لوحدها على السلم".