عمرو أديب بعد استقالة اتحاد الكرة: "هنفضل قاعدين كده وعندنا دوري وكأس؟!"

كتب- معتز عباس:

تعجَّب الإعلامي عمرو أديب من استقالة اتحاد الكرة عقب خروج المنتخب المصري من بطولة كأس الأمم الإفريقية لكرة القدم، بالخسارة أمام منتخب جنوب إفريقيا ضمن منافسات دور الـ16 في أمم أفريقيا 2019، قائلًا: "هنفضل قاعدين في الفضا ده كتير.. مفيش حد لغاية دلوقتي طلع قال لنا هنتصرف إزاي، وهنقعد كده لحد إمتى وعندنا بطولة دوري وكأس".

وقال أديب، خلال برنامجه "الحكاية" المذاع عبر فضائية "إم بي سي مصر"، اليوم الأحد، إن خروج مصر بهذا الشكل الذي أعتبره "غير مفاجئ" مصيبة وكارثة، متابعًا: "كلنا بنندب وبنلطم وبنشيل ونشيِّل بعض الغلط والمشاكل.. أنا مستغرب مفيش حد طلع قال لنا لو سمحت دقيقة واحدة إحنا هنتصرف".

وأضاف مقدم "الحكاية": "أنا حاسس كده إننا بقينا متسابين، وماحدش بيقول لنا إحنا فين دلوقتي، ليه ماحدش ظهر في هذه المواقف، ويقول لنا تعالوا نبتدي ونحط قواعد ولو لمرة".