إكرامي: "لو السيسي خلص مدته هننزل مظاهرات نقول له عايزينك تاني"
02:23 م
الأحد 21 أبريل 2019
كتب- محمد خميس:
أكد الكابتن إكرامي، حارس مرمى النادي الأهلي ومنتخب مصر السابق، أنه قام بالإدلاء بصوته في الاستفتاء على التعديلات الدستورية أمس، قائلًا: "كنت من أوائل الناس اللي راحوا اللجنة بتاعتي أنا وزوجتي، وأدلينا بصوتينا بسهولة"، مؤكدًا :"العالم كله بيحصل فيه تغيير في الدساتير، احنا مبسوطين بالسيسي ولو خلص مدته هننزل مظاهرات في الشارع نقول له عايزينك تاني، خلِّي اللي مدّايق مننا يولع بقى، السيسي بيعمل مجهود كبير ومبينامش".
وأضاف إكرامي، خلال مداخلة هاتفية مع فضائية "TEN"، اليوم الأحد، أن المشاركة في الاستفتاء على التعديلات الدستورية حق البلد علينا، وواجب وطني، وهو أمر جيد ورائع لكل مَن شارك في الاستفتاء، موجهًا رسالة إلى الممتنعين عن المشاركة، قائلًا: "بعد كده مالكوش حق تتكلموا في حاجه حواليكم، لأن امتناعكم عن المشاركة تكاسل وتخاذل وهروب من المسؤولية، لو رافضين انزلوا قولوا لا، أدلوا برأيكم، لكن وجودكم زي حزب الكنبة هو أمر غير جيد".
وأشار حارس مرمى النادي الأهلي ومنتخب مصر السابق: "كنت أتمنى أن يكون الشعب المصري كله في لجان الاقتراع امبارح والنهارده"، مؤكدًا: "لفت نظري من امبارح والنهارده مشاركة عدد كبير جدا من الشباب، للإدلاء بأصواتهم في الاستفتاء على التعديلات الدستورية، والسيدات وكبار السن"، مضيفًا: "الستات مش لوحدهم المشاركين في العملية الانتخابية، ماتضيعوش حق الرجالة".
فيديو قد يعجبك:
