أم الشهيد ضياء فتحي: "ابني بطل ماخافش من القنبلة والشعب قدَّر تضحيته"
11:12 م
السبت 09 مارس 2019
كتب- محمد خميس:
قالت نجاة سيد، والدة الشهيد البطل ضياء فتحي: "لما باشوف صورة ابني في أي مكان باحس إن دمه ماراحش على الأرض"، متابعة: "اتكرَّمت من رب العالمين بأن ابني شهيد، واتكرمت من كل الناس".
وأضافت نجاة، خلال مداخلة هاتفية مع برنامج "هنا العاصمة" المذاع عبر فضائية "cbc"، اليوم السبت: "ابني ماخافش من القنبلة ودخل عليها ومسكها بإيده، والناس كلها قدرت بطولته، وكل ما أروح مكان وأشوف صورته على المحلات باحس إن الشعب قدّر تضحية ابني".
واستطردت والدة الشهيد: "إن الناس مايكونوش عارفينك بس عارفين ابنك وحبوكي وبيكلموني دايمًا ويشاركوني حزني وفرحي وأنهم معايا في نفس المكان، هو ابني اللي عرفني بكل الناس دي، ومن غير استشهاد ابني ماكنتش هبقى في أي مكان، ابني دخلني كل مكان في مصر، ومهما أتكلِّم الناس والشعب المصري هو اللي بيتكلم عن ابني وبيمجد فيه أكتر مني".
وأشارت نجاة: "كرم ربنا على ابني إنه اصطفاه شهيدًا وده يكفي، والحمد لله باشوف ابني في عيون كل الناس".
فيديو قد يعجبك:
