إيمان الحصري تذيع فيديو لمشاجرة داخل مستشفى 6 أكتوبر للتأمين الصحي
12:35 ص
الإثنين 11 مارس 2019
تطبيق مصراوي
لرؤيــــه أصدق للأحــــداث
كتب- معتز عباس:
أذاع برنامج "مساء dmc"، المُذاع عبر فضائية "dmc"، فيديو يعرض مشاجرة داخل مستشفى 6 أكتوبر للتأمين الصحي في منطقة الدقي بعد توقف جهاز القسطرة 12 مرة.
وقال حسن طارق، مصور فيديو المشاجرة خلال مداخلة هاتفية، اليوم الأحد، قائلًا: "المفروض إن الناس كلها كانت بتتحضّر لعملية قسطرة القلب وبعدها الدعامات، وكانوا تقريبًا من 15 إلى 22 حالة، واللي صايم ومش واكل واللي لبس ملابس العمليات، وفجأة راجل عنده سكر بيعمل قسطرة، قالوا له الجهاز عطل وكل الناس تمشي".
وأضاف طارق: "الناس اتضايقت وفضلت تزعّق، والأمن تعاملوا مع الموضوع بعدم احترافية واستفزازية أكتر، وقالوا للناس الكلام ده تعملوه في مستشفى خاص، أنتم في مستشفى حكومي، والناس لمّا سمعت الكلام ده انفجرت في بتوع الأمن، وطالبوا بحقوقهم".
وتابع مصور الفيديو: "والممرضين استفزوا الناس وكانوا بيبصوا لهم بقرف، وواحد قال صوَّروا من النهارده لبكرة مش هيحصل حاجة".
فيديو قد يعجبك:
