أديب: يجب استثناء الوزراء من الحد الأقصى للأجور.. "بياخدوا 30 ألف بس" - فيديو

كتب - معتز عباس:

طالب الإعلامي عمرو أديب، الرئيس عبدالفتاح السيسي، بالاعتماد على الشباب في مسيرة الإصلاح التي سيشهدها الوطن عقب نجاحه في انتخابات الرئاسة 2018، متابعًا: "جربنا كتير اللي مش شباب جربوا الشباب يبقوا محافظين ووزراء عشان الشباب في مصر يشوف أن في وسيلة للصعود والترقي والمجال ليس مغلقًا".

وقال "أديب"، خلال تقديم برنامج "كل يوم"، المُذاع عبر فضائية "أون أي"، مساء الاثنين، لابد من فتح المجال للعمل العام في مصر، نحن بدنا عهد جديد من الأمل والانجاز وتحقيق طموحات الشعب المصري، مضيفًا: "مش لازم الوزير أو المحافظ يبقى عنده ذبحة وجلتطين، ممكن نجيب شاب يقدر يجري وصحته جيدة، هات الناس اللي اتعلمت في الخارج".

وأضاف: "لازم نتستنثي الوزراء من الحد الأقصى للأجور، بياخدوا من 20 إلى 30 ألف جنيه في الشهر بس، ولو نزلوا في أي مكتب استشاري هيعملوا المبلغ دة في يوم لازم ياخدوا أكتر من كدة".