استغاثت بالسيسي.. ولية أمر طالب STEA: الجامعات الأهلية حقنا.. "مش كل شوية هندفع ألف جنيه"

كتبت- منة الله عبدالرحمن:

قالت نشوى البحراوي، ولي أمر طالب في مدارس المتفوقين للعلوم والتكنولوجيا stem، إن الجامعات الأهلية حسب قرار إنشاءها من المفترض أن تكون الأولوية فيها لطلبة مدارس "stem" بمنح كاملة.

وأضافت نشوى في تصريحات لمصراوي: "فوجئنا أن الجامعات الأهلية بتعاملنا مثل ig والتعليم الفني، وحتى الآن لم يحدد لنا الأعداد التي تم قبولها، وأصبح التقديم في الجامعات الأهلية يدوي وليس إلكتروني كالثانوية العامة"، قائلة: "هو أنا المفروض أفضل أروح كل جامعه أهلية أملى آبلكيشن بـ1000 جنيه حرام، إحنا بنطالب أننا نتساوى بثانوية عامة".

وتابعت: "أنا لحد دلوقتي مش عارفه أبني هيدخل أيه محتاجين رؤية واضحه لطلاب stem، المرحلة التانية خلصت وإحنا التنسيق لسة ماظهرش لينا كطلاب مدارس stem، ومحتاجين نعرف زيادة أعداد المقبولين".

واستغاثت ولي الأمر، بالرئيس عبد الفتاح السيسي، رئيس الجمهورية، وكانت نص الاستغاثة: "عدد طلاب مدارس STEM في حدود 1700 طالب الدولة أخدتهم بشروط تفوق معينة بعد سنة 3 إعدادي وبعد ما خضعوا لاختبارات قدرات مخصصة لهم وتم اختيارهم من وسط كل طلاب جمهورية مصر العربية".

وتابعت في استغاثتها:" ودخلوا مدارس STEM وهى مدارس داخلية لمدة 3 سنين إقامة كاملة بنظام دراسة مختلف تماما عن ثانوية عامة، بيعملوا مشاريع لحل مشاكل مصر البيئية بإستخدام الموارد الطبيعية بأقل تكلفة ، وبيحضروا محاضرات فى كليات هندسة وطب وصيدلة وزراعة وعلوم ومعاهد البحوث علشان يكملوا أبحاثهم على أكمل وجه يليق بطالب متفوق، وبيدخلوا مسابقات عالمية بمشاريعهم بإسم مصر وبيفوزوا".

واستكملت: "لكن بعد ده كله وبعد تعبهم ومجهودهم وتعبنا معاهم يتظلموا ويتنسوا ولغاية دلوقتي مانزلش ليهم تنسيق أصلا ومستنيين لما طلاب ثانوية عامة يقدموا وينسقوا علشان يحصلوا على نسبة مرنة لا تتجاوز 25% من عدد الطلاب".