السادس مكرر بأسيوط: "كنت بذاكر من البرامج التعليمية"

أسيوط - محمود عجمي:

بأجواء عمتها الفرحة استقبل أهالي عزبة فرج التابعة لمركز ديروط بمحافظة أسيوط، نبأ حصول الطالب إسماعيل أنور عباس، علي المركز السادس مكرر على الجمهورية في "القسم الأدبي".

قال الطالب: "عرفت النتيجة من مؤتمر الوزير والجيران سمعوه وجم قالولنا، فرحت جدًا، كنت بذاكر على القناة التعليمية على طول وبسجل الحلقة وأذاكر على طول عشان ظروف فيروس كورونا".

ويحلم إسماعيل بالالتحاق بكلية إعلام "بحب الإعلام والصحافة، ورسالتي لأبناء قريتي ربنا معاكم واجتهدوا وهتلاقوا النجاح في الآخر، مكنش في صعوبة في الامتحانات واتهيئ لي الجو المناسب اللي يخليني أطلع من أوائل الجمهورية".

كان إسماعيل يقضي 8 ساعات يوميًا في المذاكرة، مضيفًا: "أشكر والدتي وأخوتي على مجهودهم والجو المناسب اللي وفوره لي".

الحاج أنور عباس معربًا عن فرحته قال: "عرفنا نتيجة ابني من التلفزيون.. الجيران قالوا لنا.. أنا فرحان بولدي جدًا، وقلت له ألف مبروك يا ولدي، فرحان بيك".

وقالت والدة إسماعيل: "أنا فرحانة وسعيدة إن ولدي نجح وطلع من الأوائل، ربنا عوض صبرنا خير، طبعًا هو اللي خد دروس وسهران وتعب لازم نفرح له، كنت قاعدة معاه أعمله شاي أعمله قهوة، أسهر الليل معاه لحد ما يخلص مذاكرة، أصحيه الصبح وقاعدة متابعاه عشان ينجح، كنت متأكدة إنه هينجح وقولتله كده، عقبال كل اللي في الثانوية أما ينجحوا ويبقوا زي إسماعيل وأورح أبارك لهم".

وأعلن الدكتور طارق شوقي، وزير التربية والتعليم والتعليم الفني، أن نسبة نجاح الثانوية العامة بلغت 81.5%؛ وحصل 4 طلاب وطالبة بمحافظة أسيوط على المركز الاول مكرر شعبة علمي علوم وشعبية الأدبي.