عالم بالأزهر: هذه الأعمال تحمى من الاكتئاب

كتب- محمد قادوس:

قال الشيخ أبو اليزيد سلامة، من علماء الأزهر الشريف، إن بداية، لازم الإنسان يكون له حماية من الاكتئاب، منها الصداقات و الأقارب اللي يلجأ إليهم ويشكي لهم همومه، ويشكون له همومهم، ويقدروا يحتووه، لافتا إلى أن الاحتواء مهم جدًا في الخروج من حالة الاكتئاب، اللي إحنا فيها و إحنا لوحدنا، عايشين بنفسنا، عايشين بعيد عن الناس، عايشين منعزلين عن الناس، أكيد هيبقى فرص الاكتئاب بالنسبة لنا أكبر.

وأضاف سلامة، خلال حلقة برنامج "مع الناس"، المذاع على فضائية" الناس": ذكر الله سبحانه وتعالى، هناك ذكر كثير من الناس مش واخدين بالهم منه، وهو بيكسب الإنسان الرضا، وهو تسبيح ربنا سبحانه وتعالى. ربنا بيقول: "وسبح بحمد ربك قبل طلوع الشمس وقبل غروبها ومن أناء الليل فسبح وأطراف النهار لعلك ترضى". يعني التسبيح هيوصلك للرضا، والتسبيح هيوصلك إلى تغيير قدرك. ربنا بيقول: "فلولا أنه كان من المسبحين للبث في بطنه إلى يوم يبعثون". التسبيح ده هو ذكر كل الكائنات. "ويسبحون بحمده"، وإن من شيء إلا يسبح بحمده، ولكن لا تفقهون تسبيحهم.