أمين الفتوى: إحنا مش في الجاهلية عشان تجوزي بنت مقابل سد الدين

كتب-محمد قادوس:

انفعل الشيخ عويضة عثمان، أمين الفتوى بدار الإفتاء المصرية، في رده على سؤال متصلة حول: "أنا ست كبيرة و استلفت فلوس من واحد 56 ألف جنيه، علشان اعمل عمليه لبنتي، ومش قادرة اردهم ليه، فهو قالي خلاص اتجوز بنتك الصغيرة بعقد عرفي لمدة 6 شهور مقابل الفلوس دي، وأنا رفضت وقلت له دي يتميه، ومش عارفة أعمل إيه؟

وقال أمين الفتوى، جواز مؤقت هتبيعها، ده كأنه بيشتري حاجة، ده إنسان هقول إيه.. طيب هقول إيه في الضمائر اللي ماتت.. أعوذ بالله.. ده الضمائر ماتت تماما للدرجة دي.. الناس مش عايزة تعمل عمل خير للآخرة. إيه يعني؟ 56000 جنيه وأكيد اللي بيدي الرقم ده أكيد عنده ألفات غيرها".

وأضاف عثمان خلال حلقة برنامج "فتاوى الناس"، المذاع على فضائية "الناس"، اليوم الثلاثاء: "اوعى تفرطى فى بنتك ده إنسان ضميره ميت، ربنا يحيى له ضميره، إحنا مش في الجاهلية علشان يشترى بنتك.