"إنتي في خطر".. عمرو الورداني ينصح سيدة تشكو من العلاقة الزوجية (فيديو)

كـتب- علي شبل:

في إطار مواجهته للمشكلات الاجتماعية ومحاولة وضع حلول شرعية لها، تلقى الشيخ عمرو الورداني، أمين عام الفتوى بدار الإفتاء المصرية، سؤالًا من سيدة تقول: «أنا وزوجي على خلافات منذ شهرين، إحنا متزوجين من 13 سنة، الأول مكنش يسمعني ولا يتكلم معايا، كان رافض أي حوار بيني وبينه، والمشكلة دلوقتي إني وصلت لمرحلة إني أنا اللي مش عايزة أتكلم معاه، أنا اللي رافضة الكلام، أنا مش عارفه أعمل إيه؟ مش قادرة أتكلم أو أتعامل معاه.. أعمل إيه؟».

في رده، قال «الورداني»، خلال برنامج «ولا تعسروا»، عبر قناة مصر الأولى، أمس السبت: «إنتي في خطر، الحالة دي خطر شوية، خطر إنك تبقي مش عايزة تتكلمي مع جوزك».

وأضاف أمين الفتوى بدار الإفتاء المصرية: «إذا كان هو ابتدى عايز يتكلم، ابتدي معاه بوقت قصير للكلام، مثلا 10 دقائق، حاولي تيجي على نفسك، نصيحتي ليكي اوعي تسمعي للشعور اللي عندك ده، الشعور ده بيجيب حاجة اسمها الاحتواء البديل».

وتابع: «هتروحي لحد يسمعك، أنا عارف إن إحنا عندنا أخلاق وبنخاف ربنا، بس لازم نسد هذه الأبواب، لأن أحيانًا بيكون في طرف خارجي مستني، اطلبي من جوزك إنه يساعدك إنك تخرجي اللي جواكي».

اقرأ المزيد:

ماذا يفعل من سمع اسم النبي وهو في الصلاة؟.. البحوث الإسلامية يوضح

فاقوا قوم لوط.. خطيب المسجد الحرام يحذر من خطورة المثلية الجنسية ومخالفة لفطرة الله

ما هي علامات رضا الله عن العبد؟.. 10 أمور يوضحها علي جمعة (فيديو)