عالم أزهري: ينصح بعد الاستخارة للزواج اختار اللي على قدك ومقاسك

كتب-محمد قادوس:

قال الدكتور أسامة قابيل، من علماء الأزهر الشريف، إن الحيرة فعل نفسي، موجود داخل كل إنسان، خاصة فى حال إقباله على الزواج أو شراء منزل أو الذهاب لعمل جديد.

وأضاف قابيل، خلال حوارة ببرنامج "من القلب للقلب"، المذاع على فضائية "mbc masr2": ربنا قال لنا نعمل إيه، لازم نخلى ربنا فى قلوبنا ونتوكل على الله حق توكله، لازم نخلى التوكل على الله واقع ملموس فى حياتنا"، وبعدها نأخذ بالأسباب، مستشهدا بقول الله سبحانه وتعالى: " وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا ".

وأوضح العالم الأزهري: لما تتوه وتتوتر من المستقبل، لازم تعمل أمرين، أولها الاستخارة، لازم نرجع لربنا ونستخير ربنا، هو اللى خلقنا وهو بيده كل شئ، فالإنسان صنع الله، فالله يريد العبد أن يختار صح، فأول ما اختار زوجه أو أعزل من البيت، أو أشوف وظيفة، فالأمر الثانى هو أن نأخذ بالأسباب، لازم دائما الإنسان فى الزوجة أو الزوج، يختار من يطمن قلبه أو يريحه ويكون على قده، يعنى على قد لحافك مد رجليك.

واستكمل قابيل: صلاة الاستخارة هناك أفضل أوقات ومنها ليلة الخميس بالليل بعد انتصاف الليل، وهو ليلة الجمعة وهى ليلة مباركة، ويوم الاثنين لأنه ولد فيه سيدنا النبي محمد صلى الله عليه وسلم، ويوم مقابلة سيدنا النبي بالله.