بالفيديو| الجندي يفضح أساليب تزوير الفتاوى: "متصدقوش أي حاجة بتتقال في سوشيال ميديا"

كتبت - سماح محمد:

حذر الشيخ خالد الجندي - عضو المجلس الأعلى للشئون الإسلامية التابع لوزارة الأوقاف - من أساليب تزوير الفتاوى واقتطاع الأحاديث من سياقها.

وقال الجندي من خلال تقديمه لحلقة اليوم الأثنين من برنامج "لعلهم يفقهون"، عبر فضائية "dmc" قائلا: "يعني أنا مثلًا قلت إن القرآن حرم الخمر على مراحل، وقلت إن الآية الفلانية محرمتش الخمر بشكل صريح، وأكتر من آية كده برضه لحد الآية الرابعة، فقالوا إني قلت إن القرآن لم يحرم الخمر".

وأضاف عضو الأعلي للشئون الإسلامية "الغريبة مش الحمار اللي قص، لكن الغريبة الحمار اللي صدق، وصلوها لكده لأنهم أعداء دين ووطن، وكلنا مسلمون ولم نحرم حلالا أو نحلل حراما وحسبنا الله فيمن نقل عن ألسنتنا ما لم نقله".

وتابع فضيلته "متصدقوش أي حاجة بتتقال في السوشيال ميديا، لكن لازم تتأكد من الأمر بنفسك، ولازم نراعي سياق الكلام".