بالفيديو.. أمين الفتوى: إحنا عاوزين أخلاق.. بعض أرباح السوشيال ميديا "حرام"

10:54 ص السبت 13 مايو 2023

تطبيق مصراوي

لرؤيــــه أصدق للأحــــداث

كتب-محمد قادوس:

قال الشيخ عويضة عثمان، أمين الفتوى بدار الإفتاء المصرية، إن الأموال الناتجة عن أرباح السوشيال ميديا تعتبر حرام، فى حالة إن صاحبها يقوم بنشر ابتذال أو معلومات مغلوطة وهدامة فى الثوابت والعقائد، وغير أخلاقية تضر بالمجتمع، لافتا إلى أن هذه الأموال تكون حلالا فى حالة نشر ما يفيد الناس والمجتمع ويفيدهم فى أمور دينهم ودنياهم.

وأضاف عثمان، خلال حلقة برنامج "فتاوى الناس"، المذاع علي فضائية "الناس": انقل كلام علمى كلام مفيد، حديث آية قرآنية معلومة متأكد منها، لكن تنقل أمور تعمل قلاقل واضربات فى ثوابت الناس وعقائدهم وأخلاقهم، ده أنت بتأكل حرام، وبعد كده ممكن حد يجيى يقول هتبرع بجزء من الأموال دى تبرع بعد إيه بعد ما ضريت الناس، إحنا عاوزين أخلاق والآن ليس العبرة بالمادة وإنما بالقيم والخلق، ممكن يكون معاك فلوس كتير لكن مفيش خلق ".

وفي فيديو أخر تحدث فيه أمين الفتوى بدار الإفتاء المصرية، قائلاً إنه لو بعد الدين عن العلم والتكنولوجيا لهلك الإنسان ويدمر نفسه، لافتا إلى أن هناك اختراعات تكنولوجية كثيرة، لخدمة الإنسان وبقائه لكن تم استخدامها فى التدمير.

وتابع عثمان: الإنسان المتدين لما يتقدم أفلح، ليه لأن تقدمه العلمي يؤيده بالأخلاق الدينية، والعادات والتقاليد الطيبة، إحنا ممكن نستخدم كل شئ فى الخير، لكن الإنسان بطمعه وبتسرعه فى التربح وعدم تدينه وتركه لثوابت دينه، يترك نفسه لمرحلة الابتذال، ومفيش حضارة أبدا تقوم على المادة فقط ممكن واحد يموت ويسيب لأبنه فلوس ولا يترك له أخلاقا هما شهرين تلاقيه ضيع كل الفلوس دى، فى إفساد حاله وإفساد غيره ويعود فقيرا".

واستكمل: "الإنسان كلما كان مطرفا دون دين أصبح فاجرا، شوفوا التكنولوجيا والتقدم، مش عارفين نستخدمها بشكل دينى أخلاقى، أصبحنا نجرى وراء التربح من السوشيال ميديا عن طريق الفضائح والابتذال على حساب القيم والأخلاق والعادات الطيبة، وطبعا ده بعض مش تعميم.. التكنولوجيا ليس ضرر غيرك بنشر عرى أو خلافه، وإنما نشر كل ما هو مفيد".