"طلع اللي جواك" مع د. رشا الجندي.. عاطفية وبتعلق بالناس بسرعة

تواصل مؤسسة أونا للصحافة والإعلام، تقديم باب "طلع اللي جوالك"، لتقديم المشورة النفسية لمن يعانون مشكلات خاصة ويخافون الإفصاح عنها. وتقوم على ذلك الدكتورة رشا الجندي أستاذة الصحة النفسية.

ويعتمد الباب على استقبال مشاكل القراء وتقديم المشورة والرد عليها، عبر بوابة مصراوي وموقع الكونسلتو الطبي المتخصص، مع ضمان سرية وخصوصية أصحاب الرسائل:

رسالة من (د – أ).. باتعلق بالناس بسرعة.. ومش عارفة نفسي ولا فاهماها

مشكلتي في الحياة إني مش عارفه أنا عايزه إيه بالظبط ولا عارفه آخد قرار بنفسي ولو أخدت قرار في لحظة بارجع فيه. مشكلتي إني مبعرفش أتجاهل حد وإني حساسة زيادة عن اللزوم وطيبة لدرجه حضرتك مش تتخيليها.

أنا مش فاهمة نفسي.. من صغري وأنا لوحدي مفيش حد بيفهمني ودايما بيفهموني غلط، حتى لو عملت غلطة مش بيكون في نيتي حاجة وحشة. أنا تلقائية واللي في قلبي على لساني. مبعرفش أكره حد. وباتعلق بالناس بسرعة، وناس كتير سابوني وناس كتير اتخلوا عني.

مشكلتي إني دايما بكرر نفس الغلط. مشكلتي إني مش فاهمة نفسي ومحتاجة اتكلم مع حد أكبر مني يكون فاهم وواعي وينصحني. عايزة أرجع الثقة والاحترام من شخص كان بيحترمني ويقدرني بس دلوقتي لأ.

عايزة أغير من نفسي بس مش قادرة. مش عارفه عشان دي طبيعتي إني أهتم.. مش عارفه أكون بلا قلب وبلا إحساس عشان طبيعتي إني حساسة جدا.

الرد..

عزيزتي "د"، أنت تخافين من تجاهل الناس وتتعلقين بهم لأنك تخافين فقدانهم، ربما لأنك قضيت فترة طويلة بعيدا عن الناس.

عليكِ أن تبدأي النظر للحياة من منظور آخر، فكما أن الخالق أهدانا العاطفة كنعمة لاستخدامها، فقد أهدانا العقل أيضا كنعمة لا يجب إهمالها في التعامل مع الآخرين. الحساسية المفرطة وحب الناس واحتياجنا لهم أمر جميل ولكن ليس على حساب أنفسنا، ليس منطقيا أن نتألم، لأننا حولنا الاحتياج من شيء جميل إلى مؤلم وجارح.

خير الأمور الوسط، فهناك في الحياة من يستحقون التجاهل وهناك من يستحقون الاهتمام. لذلك أتمنى أن اسمع منك أكثر وأكثر بالتفاصيل عن طبيعة حياتك لكي نستطع معا رسم خطة الطريق لتخفيف هذا الألم حتى نشعر بجمال الحياة.