"كان أقرع".. فتيات يروين أطرف أسباب رفض "العرسان"

كتب-فاطمة خالد:

تتعد أسباب عدم قبول الفتيات للرجال، منها ما هو غريب أو طريف.

وجمع "مصراوي "آراء بعض رواد موقع التواصل الاجتماعي "فيسبوك"، إجابات بعض الفتيات، حول أسباب رفضهن "آخر عريس" تقدم لخطبتهن.

قالت نور، 23 سنة "كان تخين جدا، ومبهدل في نفسه، وبيلبس هدوم التسعينات، علشان كدة رفضته".

كما قالت أسماء، 24 سنة "لقيته في أول مرة نقعد فيها بيقولي ما فيش شغل، بيتك وأولادك أولى بيكى، فرفضته طبعًا".

وأجابت مها، 22 سنة قائلة "أنا رفضت واحد من اللي اتقدمولي علشان صوته عالي".

وقالت آلاء، "اختى رفضت مهندس علشان معملش حاجة فى أول مقابلة غير أنه فضل ياكل".

وأوضحت هاجر، 27 سنة  قائلة"رفضت عريس كان متقدم لي علشان كان أقرع".

كما أجابت إسراء، 26 سنة "كان بيقولي متقوليليش اروح لماما، علشان أنا كظابط بشك فd كل الي حواليا، وما تخرجيش من غير ما أنا أو باباكي نبقى معاكي".

وقالت سلمى، 28 سنة "رفضت آخر عريس علشان كان مدرس فرنساوي اسمه حامد وبيلبس بدل صفرا زي بتاعت محمد هنيدي، في فيلم صعيدي في الجامعة الأمريكية، واتحفل علي بسببه". 

بينما قالت ريم،23 سنة ساخرة "آخر عريس رفضته عشان أنا متجوزة".

وقالت دينا، 22 سنة "أنا رفضت آخر عريس جالي، علشان كان طويل أووي وأنا قصيرة".