طريقة عمل بسكوت الشوفان بالتوت

المدة: حوالي ساعة

الصعوبة:سهل و سريع

عدد اﻷفراد : - 3

المكونات

• 5, كوب شوفان مطحون
• 5, كوب شوفان
• 2 ملعقة كبيرة دقيق قمح
• 1 ملعقة كبيرة قرفة
• 1 ملعقة كبيرة جوز الهند مبشور
• 1 ثمرة موز طازة
• 5 بياض بيض
• نص لمونة
• سكر (او عسل او بدون حسب الرغبة)
• توت أو فراولة أو زبيب مجفف
• ورق زبدة

1. الطريقة:
2. شغلى الفرن على درجة حرارة 200.
3. جيبى طبق غويط وتضربى بياض البيض مع النص لمونة كويس، وحطى عليهم الموزة وتضريهم كلهم مع بعض.
4. احضرى طبق غويط تخلطى الشوفان المطحون مع دقيق القمح، القرفة و جوز الهند. و بالمعلقة تجيبى من خليط الشوفان والدقيق وضعيهم على بياض البيض وتقلبى، وفى الأخر تضيفى نص كوباية الشوفان.
5. تذوقى الخليط ولو شايفاه محتاج سكر أو أى اضافات إنتى بتفضليها ممكن تضيفيها.
6. وجيبى التوت (أو الفراولة - الزبيب) وضيفيه على الخليط وقلبيه كويس.
7. وجيبى ورق الزبدة وتفرشيه على الصينية اللى هاتدخليها الفرن، وبمعلقة (أو قوالب البسكوت) تعملى البسكوت وتفرشيه على ورق الزبدة .
8. بعد الانتهاء من عمل الكمية المناسبة ليكى ولأسرتك، ضعى الصينية فى الفرن لمدة 20 او 30 دقيقة (على حسب الفرن بتاعك)، أهم حاجة انها لم تطلع من الفرن يكون لونها ذهبى ومقرمشة.

يمكنك متابعة أهم وأحدث المقالات على الفيس بوك عبر صفحة مصراوى - هو وهي