طريقة عمل كيكة الجزر بعين الجمل

المدة

اقل من نص ساعة

عدد اﻷفراد

1 - 3 

المكونات

• 2 كوب دقيق
• 2 ملعقة شاي باكينج باودر
• 2 ملعقة شاي بيكربونات صوديوم
• نص ملعقة شاي ملح
• 2 ملعقة شاي قرفة مطحونة
• 2 كوب صغير سكر ابيض
• 4 بيضات
• 1,5 كوب زيت
• ٣ كوب جزر مسلوق و مهروس
• 1 كوب صغير عين جمل

طريقة عمل كيكة الجزر بعين الجمل

1. سخنى الفرن على درجة 175.
2. ادهينى صينية الكيكة بالزيت.
3. في طيق تاني اخلطى الدقيق مع البيكينج باودر وكاربونات الصوديوم، والملح والقرفة، واحفظيهم.
4. وفى طبق غويط اضربى البيض مع السكر كويس، وضيفى عليهم الزيت.
5. بعد كده تقومى ضايفاهم شوية بشوية على خليط الدقيق اللى عملتيه مع التقليب، بعد كده تضيفى عليهم الجزر مع عين الجمل، وتعجنيهم مع بعض.
6. حطي العجين في الصينية و وزعيه كويس
7. فى الاخر حطى الصينية فى الفرن وسيبها لمده 45 دقيقة، بحيث انك لما تدخلى فيها سكينة تطلع نضيفة.
8. بعد ما تطلعيها من الفرن سبيها تبرد خالص قبل التقطيع والتقديم.
9. وبالهنا والشفا ..

يمكنك متابعة أهم وأحدث المقالات على الفيس بوك عبر صفحة مصراوى - هو وهي