الحلقة 8.. الرئاسة أو البرلمان أو إضرام النار
"سيادة اللواء عبد الفتاح السيسي شخصية الحقيقة احنا يعني بنعتبره من الأسس اللي مع حضرتك.. الدراع الأساسية يعني مش هنقول دراع يمين لكن الأدرعة كتير."
"النتيجة متتغيرش لأن دي إذا حصلت ليس لها من دون الله كاشفة.. الموجة الموجودة موجة إضرام نيران لمن لا يقدر المسؤولية.. أنا لا أتمنى هذا ولا أريده ولا أوافق عليه.. والشعور اللي موجود هو شعور تلقائي شعبي وليس مخطط له."
"النتيجة إذا تغيرت يا سيادة المشير.. سيؤدي هذا إلى حالة من الاضطراب لا نعرف إلى مدى ستذهب.. اضطرابات ساعتها لا أنا ولا أنتوا هتقدروا تمنعوها.. ستتوجه الاضطرابات إلينا وستمثل خطرا حقيقيا غير 11 فبراير.. أنا أرصد الواقع لحضرتك.. أنا لك ناصح أمين."
"النقطة التانية انعقاد مجلس الشعب.. حضرتك تقدر تلغي القرار لأنه قرار تنفيذي.. أنا أخوك الصغير.. اسمعني عشان بس متجيش يوم من الأيام بعد يومين تلاته أربعة تقول إنه إحنا ضيعنا فرصة.. حكم المحكمة هيطبق لكن بطريقة يتفق عليها في مرحلة لاحقة.. أنا اقترحت اقتراح واضح.. إحنا قدامنا منفذ اتنين تلاتة.. المنفذ الأولاني يتلغي القرار ودي مسألة مش صعبة.. الحاجة التانية إن الموضوع يحال إلى الفتوى والتشريع وياخد فيه بعض الوقت ويقول رأيه."
محمد مرسي مخاطبا المشير حسين طنطاوي، رئيس المجلس العسكري - 2012
"عايزك تاخد بالك لأنه لو حصل وجهة ما حاولت أنها تضرم النار في البلد دي هتبقى مصيبة على البلد وعلينا.. خد بالك وخليهم مفيش داعي للحاجات دي.. لأنه فيه تخطيط."
"مقدرش أعمل في قرار انعقاد مجلس الشعب.. مقدرش ألغي القرار.. مع احترامي ليس من سلطتي.. ده قرار محكمة.. التنفيذ حاجة والقرار حاجة.. يا محمد بيه ده أنا في اعتقادي.. ومش أنا بس.. لو جمعت دلوقتي المجلس وعرضت عليهم مفيش حد هيوافق على الكلام ده.. الموضوع ده مش متفق عليه معلش."
المشير حسين طنطاوي مخاطبا محمد مرسي قبل فوزه بالرئاسة
