"يعني إخوانا مثلا حزب النور السلفي خدوا أكثر من 8 مليون صوت، أيوه يعني إحنا وصلنا قريب من 15 هما خدوا 8.. فإذا اقتنعوا بواحد زي الشيخ حازم (حازم صلاح أبو إسماعيل، المرشح المحتمل للرئاسة 2011) مثلًا هيدخلوه إعادة.. ومفيش بديل إسلامي مناسب.. ممكن تلاقي العوا نجح مثلا (محمد سليم العوا، المرشح المحتمل للرئاسة 2011)!."
محمد مرسي

"أنا بدأت حوار طويل مع حزب النور.. المشكلة مش في حازم (حازم صلاح أبو إسماعيل)؛ المشكلة إن راسه متركبة إنه لازم يكون إسلامي.. يعني إقناعهم بغير حازم سهل بس المهم إن أنت تديله بديل إسلامي.. خد بالك من طريقة تفكيرهم، هم معندهمش أفق واسع."
"الإشكالية إن المزاج العام للناخب المصري الآن إسلامي؛ فالتحدي الحقيقي إن النهاردة لو إحنا وقفنا – ودي أزمة عندنا مش بقولها على إن يعني بنسوق لفكرة تانية – لأ فعلا في ورطة كلنا دلوقتي؛ لأن الشخصية دي قدام الشخصيات الإسلامية المطروحة هتبقى فرص نجاحها مش عالي؛ لأن المزاج العام كدة، كذا وسبعين في المية من الناس.. العوا سهل (محمد سليم العوا) ياريت العوا مش مشكلة لكن حازم اللي هينجح.. كل الاستثمارات دلوقتي الموجودة جايبنها نمرة واحد ."
خيرت الشاطر