الحلقة 21.. تحذير السيسي لمرسي والشاطر
"إحنا أولى الناس وأحرص الناس على أن مايكونش فيه أبدا لا إصابات ولا حالة عدم استقرار في مصر.. لكن الوضع على الأرض غير كده، لأن الواقع على الأرض بيستهدف ده، وإن معرفش يجيلك النهاردة في الميدان هيجلك في حتة تانية، الانتخابات بكرة، يضرب حد بالنار ظابط أو عسكري، عشان يعمل حاجة تانية، يروج جاي على الكنايس يا دكتور سعد، خلال الكام يوم الجايين فيه احتفالات بتاعة المسيحيين، سواء اللي قبل أو اللي بعد، قبل ديسمبر أو في 7 يناير عشان يعمل حاجة تالتة، ده موضوع مش محتاج بس جهد أقل من كده، لأ، ده محتاج جهد أمني وجهد منكم.. ما هي مبادرة الإخوان لحل المسألة دي؟ ما هي مبادرة الإخوان لحل المسألة دي اللي إحنا فيها؟ أنتوا ليكوا مبادرة تعملوها لإن أنتم قوة لكم مكانتكم على الأرض ولكم قدرتكم وكفاءتكم وليكم تقلكم، اللي مايعملهاش يبقى هو بيتخلى عن المسئولية يقولك خلاص كده، إن روحت فيها يبقى ده الموضوع بتاعنا.. إن حالة الفهم المتواجدة عندنا عن الموقف وأسبابه دي مسئولية أمام ربنا مش أمام بس مصر، أنا فاهم ليه كده، المواطن العادي في الشارع مايعرفش ده، المواطن في الشارع مايعرفش يعمل حاجة، مش فاهم ومايقدرش يعمل، لكن أنا فاهم وأقدر."
صوت "السيسي" مخاطبا "مرسي" و"الشاطر"
