"يعني هم دلوقتي قلهم بمنتهى الوضوح مفيش حاجة اسمها تحالف بين الإخوان والنور.. ده مرفوض وهيعملنا مشكلة كبيرة في مصر.. استقطاب الإسلاميين وغير الإسلاميين، دلوقتي إحنا نتبنى مبادرة تيار وائتلاف واسع جدا؛ فيه كل من يرغب الانضمام له ممن مُثِل في مجلس الشعب.. وأنتوا هتبقوا موجودين جوه هذا الكيان أهلا وسهلا.. ومتجيش تقولي لأ ده الوفد علماني، تقولي ده الكتلة مش عارف إيه.. كان من الأول قبل الانتخابات كانوا رافضين ده وإزاي خرجوا من التحالف السياسي وده عشان الوفد".
خيرت الشاطر متحدثا عن حزب النور السلفي

ثم دار الحديث بينه ومحمد مرسي كالتالي:
مرسي: "عملوا بالنصيحة قوي.. فراحوا نيلوها من الناحية التانية."
الشاطر: "لا على فكرة ده محمد نور (المتحدث السابق باسم حزب النور السلفي) بيشتغل لوحده."
مرسي: "محمد نور جه قعد جنب عماد وهو قاعد معايا.. عماد كان يقولي مالوش دعوة محمد نور."
الشاطر: "قالوا كلام كويس في القعدة اللي حضرها عماد.. أنا عرفت جاتله معلومات أكيدة."
مرسي: "محمد نور قالي قبل كده أنا وهشام مصطفى كنا بنشتغل في تنظيم قبل كده، وكنا بنتعامل مع أمن الدولة بس أنا بطلت مش عارف هشام بطل ولا لأ."
الشاطر: "وعلى فكرة متجوز أجنبية كان."
مرسي: "يعني أنا الكلام منسيتهوش.. الكلام ده من شهرين.. وبعدين عمال يلعب في كل حاجة محمد نور."
الشاطر: "بس هو بيلعب صح.. بس هم يعني حتى المؤتمر اللي عامله ده راح هو حضر.. ده لوحده."
مرسي: "ده عاملين هيئة عشان مراقبة البرلمان يا بشمهندس.. ده شغل جنان رسمي."
الشاطر: "مهو ده محمد نور.. محمود نور وعصام سلطان ومجموعة من الأفراد."
مرسي: "لا والمصريين الأحرار."