"المجموعات الرئيسية اللي كانت بتدعم حازم أبوإسماعيل مئات الآلاف في المحافظات على مستوى الجمهورية، السلفية الشعبية بتتبناه، وجزء من سلفيين القنوات الفضائية، ودول مش منظمين مش جسم يقدر يعمل شغل كبير.. إنما فيه مجموعات خطر زي عبد المجيد الشاذلي أو القطبيين أو السلفيين الجهاديين حتى لو قُلَّيلين دول خطر حقيقي متبنين فكرة العنف.. عندهم نظرية نقفز على الحكم والسلطة وده تعديل في استراتيجيتهم السابقة يعني إنه هو يبقى جزء من الإصلاح من فوق من وجهة نظرهم بشكل أو بآخر.. وعبد المجيد وجَّه نداء الشهر اللي فات لبعض مجموعات القاعدة والناس بتاعت العنف اللي برة إنهم ينزلوا مصر."
"المعلومات اللي عندنا إنه نزل شوية مش كتير 30 أو 40 شخص في ظل الهيصة في البلد والأمور مش محكومة زي الأول على مستوى أمن الدولة والأجهزة المختلفة.. يمكن يبقى فيه تفكير في تفجيرات أو أعمال عنف محدودة.. ده لو تَوافَق مع سكون عند الإخوان دي تبقى كارثة.. يعني يبقى الجو نفسه كله مهيأ؛ لأن أنا لو نزلت مليونية وجه عندي صوت طب إطلع على المحكمة الدستورية أو اللجنة العليا للانتخابات أو مجلس الدفاع أو وزارة الدفاع.. وشوف هم بيعملوا كده إزاي والثورة وده انتاج للنظام القديم.. وأنا قلقان إنِ الفترة الجاية تلجأ للعنف حتى لو على نطاق صغير.. مش لازم يقلب الدنيا بس هنرجع لأجواء 92 وأجواء تانية كان خمسة ستة في حتة بيعملولنا فرقعة في المتحف ولا في حاجة بتعملِّنا إزعاج."
خيرت الشاطر