أول رد من عارفة عبد الرسول بعد الهجوم عليها بسبب "الحيوانات"

كتب - هاني صابر:

ردت الفنانة عارفة عبد الرسول، على الهجوم الذي تعرضت له على مواقع التواصل الاجتماعي بعد رأيها في الحيوانات التي يتناولها الإنسان.

وكتبت عارفة، عبر حسابها على فيسبوك: "بعد خراب مالطة فهمت ليه الناس هاجمتني كده.. ماعرفش أن الراجل بيعمل كده في القطط.. أنا افتكرت أن فيه واحد بياكل قطط والناس زعلانة".

وأَضافت: "حقهم طبعا بس الفقر ممكن يعمل حاجات ما تخطرش على بالنا.. حقكم عليا .. بس معرفش أمسح بوست أنا كتبته بحس إنها مش شجاعة.. قولت أوضح".

وكانت عارفة عبدالرسول أثارت جدلا واسعا وتعرضت لهجوم كبير من متابعي حسابها الرسمي على موقع فيسبوك بسبب رأيها في الحيوانات التي يتناولها الإنسان.

وكتبت عارفة: "فيه ناس بتعبد البقر وإحنا بناكله وفيه دول مانعة صيد الحمام وبرضه بناكله وفيه النهاردة لحم أسد بيتباع بالشيء الفلاني.. وفيه دول بتاكل كلاب وإحنا بناكل الخروف وفيه معبد للفيران وإحنا بنسمها، وفيه ناس كتير ماداقوش اللحمة من سنين".

وتابعت: "أنا شايفة إنه يعني مفيهاش حاجة لو أي حد أكل أى حيوان طالما مش حرام، مع اعتذاري الشديد لمحبي القطط والكلاب.. أنا مشفتش الفيديو وجايز طريقة الدبح هي اللي وجعتنا، مجرد وجهة نظر".

كانت الساعات الماضية، شهدت انتشار مجموعة من الفيديوهات على مواقع التواصل الاجتماعي، أثارت غضب المواطنين، تتضمن ظهور شخص يقوم بقتل الحيوانات وخاصة "القطط" وتعذيبها، وتارة يقرر "سلق القطط" حتى يتناولها.

ونشر ما وصفه رواد السوشيال ميديا بـ "سفاح القطط" على حسابه عبر "فيسبوك"، مقاطع فيديو توثق جانبًا من جرائم ارتكبها ضد القطط، معلقًا: "جارتي الأرملة بتخبط عليّ عايزة أكل عشان معندهاش أکل معهاش فلوس.. قولتلها مش عندي ومعايا عشرين جنيه بس في جيبي.. قالتلي ماشي ومشيت بس حسيت بالذنب بعدها.. قعدت افكر أراضيها بإيه لحد ما جاتلي فكرة أسلق القطط بتوعي وأديهم ليها تتغدى بيهم.. أبو نوح أعماله الإنسانية كترت.. بس يلا أهم حاجة فعل الخير".

كما شارك أبو نوح، مقطع فيديو آخر، معلقًا عليه بقوله: "صباح الفل.. الآن بدبح قطتي عشان أحضر وجبة الغداء".