"عادي يا جماعة".. آمال أبو المجد توضح قصة فيديو "تجاهل ياسمين صبري التصوير معها"

كتبت- نوران أسامة:

تداول رواد مواقع التواصل الاجتماعي، مقطع فيديو من حفل زفاف الفنانة بتول الحداد والمنتج مصطفى الغزولي، لـ الفنانة ياسمين صبري والبلوجر آمال أبو المجد.

وظهرت ياسمين في الفيديو وهي تتجاهل البلوجر آمال أبو المجد بعد أن طالبت منها التقاط صورة تذكارية معاها، وردت آمال على الواقعة وذلك على حسابها الخاص بموقع الفيديوهات "تيك توك".

وقالت: "مساء الخير يا جماعة يارب تكونوا كويسين بصوا هو من امبارح انتشر فيديو كذا حد بعتهولي وكذا حد مش فاهم الصورة واصلة إزاي، يعني هشرحها مختصرة، امبارح كنت في فرح صاحبتي بتول، وطبعًا الفرح كان حلو جدًا وفيه ناس كتير أوي معروفين، ومشاهير طبعًا هما شخصيات عامة، وبعدين كذا حد بيقولي إن أنا شبه ياسمين صبري، وأنا مش مصدقة الموضوع ده بس هي جميلة يعني".

وتابعت آمال: "فـ أنا لما شوفتها قدامي حبيت إن أنا أتصور عشان أوريكوا إن أنا شبها ولا مش شبهها، بحكم إن أنا يعني شخص معروف، وطلبت إن أنا أتصور معاها فوق في القاعة وهي رحبت جدًا ووافقت، بس كان فيه حد عمال يشدها تطلع برا وموجود في الفرح ده شخصيات تانية ومعروفة جدًا، زي مي عز الدين وإيمان العاصي واتصوروا معايا عادي جدًا، وإيمان العاصي دي عسل اتصورت معايا وقالتلي ربنا يوفقك حد عسل جدًا جدًا، وشوية وكنت مروحة خلاص لقيتها تحت عند البوابة ملمومين عليها وقولتلها أنا اللي كنت هتصور معاكي فوق، وقالتلي آه آه يلا نتصور، روحت ماسكة الموبيل ومتصورة معاها راحت اتصورت مع حد تاني واتصلت بالسواق، روحت أنا واخدة بعضي ومشيت، تصرف طبيعي جدًا".

واختتمت: "فـ أنا مش فاهمة الناس حطوا أقاويل كده وكلام كتير بحكم إن أنا شخصية معروفة وهي شخصية معروفة، وبحكم أن كان فيه صحفيين كتير فده طبيعي ينزل على الميديا وخصوصًا بـ الصوت والكلام واضح جدًا، بس فيه ناس زعلانة عشاني ومضايقني ومتعصبنلي، فأنا عايزة أقولكم لا يا جماعة هي شخصية جميلة بس كانت في موقف صعب معهاش حد الناس ملمومة حواليها فعادي، وأنا أخدت الموضوع عادي جدًا، انتوا ليه مش واخدينه عادي زيي، متزعلوش منها أنا طالعة أصالحكم عليها، هي اتصرفت تصرف عادي وأنا أخدتوا عادي، وأتمنى تخدوه عادي".

وكانت آخر مشاركات الفنانة ياسمين صبري مسلسل "رحيل" والذي عُرض بموسم دراما رمضان 2024، وشارك في بطولته عدد كبير من الفنانين، بينهم: أحمد صلاح حسني ومحمد كيلاني.

@amaalaboalmgd

لسه صاحيه من النوم لقيت فيديو مبعوتلي ❌

♬ original sound - amaalaboalmgd ⭐