تامر حسني لـ بسمة بوسيل في عيد الأم: "مصور مجهودك وتعبك لحظة بلحظة"

وجه الفنان تامر حسني، رسالة لطليقته المطربة بسمة بوسيل والدة أبنائه، تزامنا مع احتفالات عيد الأم.

وكتب تامر، عبر حسابه على "إكس": "كل سنة وانتي طيبة يا بسمة، وكل سنة ووالدتك الجميلة طيبة.. أنا كل يوم يا بسمة بحكي لأولادنا عن الأصول دي ومصور لهم كل تعبك معاهم من وانتي لسه، هعدي عصبيتك عليا في الوقت ده مش مشكلة حقك".

وتابع: "المهم مصور لهم مجهودك لحظة بلحظة عشان يعرفوا انتي وأنا تعبنا عشانهم إزاي ولما يكبروا إن شاء الله هم يعملوا كده مع ولادهم وكمان يراعوا ربنا فينا لما احنا نكبر أوي".

وأضاف تامر حسني: "إن شاء الله هتشوفي فيهم كل الخير عشان انتي أم جميلة ومخلصة ليهم قدام ربنا.. كل سنة و كل أم في الدنيا طيبة ويلا ندعي لكل أم مش معانا ربنا يرحمها ويرفع من قدرها في الجنة".

يذكر أن، تامر حسني انفصل عن بسمة بوسيل عام 2023 بعد زواجهما عام 2012. وأنجبا 3 أبناء هم "آدم وتاليا وآمايا".

جمعه مباركه يا اغلى الناس 🤲❤️…النهارده بكتبلكم بوست عن الأم و نفسي من جوه قلبي تقروه من اخ لأخواته و ناتج من تجربه حقيقيه بيني و بين أمي هحاول اختصره لأن الكلام عن الام يحتاج كُتب كتير ….
هبدأ كلامي بإن اكتر موقفين في عمري زعلت فيهم هما اللي كنت معاندها في الرأي و كل الناس…

— Tamer Hosny (@tamerhosny) March 22, 2024

اقرأ أيضا:

بسمة بوسيل تكشف عن رسالة لابنتها تاليا بـ"خط اليد" بمناسبة "عيد الأم"

هكذا احتفلت مي نور الشريف بـ"عيد الأم"